Posted by hege on December 27th, 2009
Eller er det strengt tatt statuspoppdateringar for Facebook? Formatet vekslar omtrent mellom desse, vil eg seie.
Til jul i år fekk eg min tipptippoldefars (Ole Johannes Olsen Reite) Cronologie, eller Tids-Regning (hvori bliver at indføre alle muelige Tildragelser, Hændelser og Begivenheder fra 1841). Eg er med andre ord slett ikkje den første i slekta med eit behov for å uttrykke meg. I boka oppsummerer han, hans son, hans soneson og hans sonesonsson hendingar på garden og i slekta, men og i bygda, og tildels i samfunnet utanfor mellom ca 1815 og 1946.
For kvart år oppsummerast dei viktigaste hendingar, som fødsel, død, bryllaup, ‘ildebrann’, fiskefangstar, kornhausten og nybygg, ispedd sinnsjukdom og nye idear, men i tillegg finst tipptippoldefar sin sjølvbiografi med, kjærleiskbrev til hans tilkomande, dikt til hans kjære, og sørgjedikt til hans høgt elska dotter Ingeborg, som døde i kikhoste, knapt to år gamal. Om dette skriv han:
Mine 4 yngste Børn havde Kigehosten. Hansine var næsten død ofte, men min inderlig avholdte datter Ingeborg, næsten 2 Aar gammel, Døde den føste Søndag efter Paaske, som var 15de April, Klokken 2 efter middag.
I boka Skrivande Bønder av Jostein Fet siterast dessutan vidare:
Et døgn før hun døde, var hun død en time, men efter megen anstrængelse, gnidning og ristning, fik jeg hende til liv igjen, men da fik hun sterk begaving, i det besvimelse. Hun forfremmedes stærkt i sin korte tid i yndest og forstand.
Eg er djupt, djupt takksam for å ha fått sjansen til å vaksinere mine barn!
Kjærleiken var heller ikkje smertefri. Han tente hos sin komande svigerfar og møtte 17 år gamal den jamaldrande Berte. Sjølv om det gjekk heile fire år før mot og høve tillot dei å snakke om saka, var det ikkje tvil om kva dei kjende:
Der hengik 4 år som baade jeg og hun følede en særdeles Velvillie til hverandre, ja omsider en Luesterk Kjerlighed fra begge sider, uden at have talet med hverandre et eneste Ord derom, det mangled os begge baade Mod og Leilighed dertil, men netop våre Øyne var vores Talsmænd, de glippede utallige gange blideligen mot hverandre
Om dei visste klart kva dei kjende, så gjekk det 10 år før dei kunne få kvarandre. Som skulehaldar kunne ikkje Ole Johannes fø på kone og born, og stefar hans var var i god form. Det var ikkje gode utsikter til å kunne overta garden:
Jeg blev modløs og sank i Melancholie
Det ordna seg likevel til slutt:
Jeg blev i denne Jammer otte dage uden Søvn, Jeg maatte altså i den Omstendighed raabe og kalde på Gud af alle Sjelens Kræfter om Hjelp og Bistand fra det Høie, og han var saa naadig at han hørte mig som en naadig Fader, og gav mig langt mere, end nogen tid jeg bad, han gav mig fuldkomen Fred og Ro i Sjelen og min Stiffader lovede mig Gaarden når jeg vilde.
Denne siste lovnaden bidro sikkert godt til ‘Fred og Ro i Sjelen’ 
Dermed gifte dei seg og
‘…begynte vort Ægteskap meget kjerlig…’
Fantastisk!
Kultur, Natur, Sidan sist | No Comments »
…grip eg etter ei bok og etter ei novelle, og aktar å lese ‘Starlight on the veldt’. Akkurat no føler eg for understatement. For å lese om eit (relativt høgt) punkt mellom Mafeking (eller no Mafikeng) og Groot Marico. For å lese om to forlorne mannfolk på velden som ikkje nødvendigvis er fullstendig bekvemme med det. Som dyngar på ved på bålet:
Kan ikkje dy meg, men presenterer under lista over dei ti pippane som set meg i best humør med sin, ehem, for nokre i allefall, song. Rekkjefølgja varierer gjennom året, er alltid veldig glad over å høyre nyleg heimkomne, eller heimfødingar som finn att songgleda:
